Rajiv Gandhi, PM a nih laia Sweden atanga ralthuam lei chungchang thubuai chu CBI-in tihnun leh a tum. He thubuai, Bofors laipui leinaa thamna inpek nia sawi chungchang hi tinung leh tura CBI ngenna chu Law Ministry-in a la ngaihtuah mek a, he thubuai hi CBI hian Supreme Court hnena hlan an lo tum tawh thu leh, khatih hun laia Congress kaihhruai UPA sorkarin CBI ngenna hi a lo hnawl tawh thu, CBI Director, Alok Verma chuan a sawi a ni. Bofors thubuai hi kum 1986-a India-in Sweden-a ralthuam siamtu company, AB Bofors atanga cheng vbc 1,437 man, laipui lian chi, Howitzer Gun 400 leina tura an inremna chungchang a ni a, Sweden media te’n he thilah hian AB Bofors company hian India sorkar hotute, thamna tam tham tak an pe nia an sawi avangin thubuai hi siam a ni ta a ni.
Chanchin Thar CBI-in BOFORS Case hawn leh tum
