August ni 31 a\anga chin hriat loha bo, R. Lalremtluanga, Pu R. Lalhlira (L) fapa, Chaltlang Salem veng chu Central YMA kaihhruaina-in vawiin a\ang khan zawn a ni a. Chaltlang Branch YMA Vice President, Pu Hnamhlunchhunga hnen a\anga thu dawn danin, mi bo hi Pathianni a\ang khan Chaltlang mipuiten khawtlang huapin an lo zawng \an a. Amah hi rilru lama harsatna nei a ni a, kar kal ta Nilaini khan amah ni awm tak, Selesih a\anga Sihphir lam pana ke-a kal hmu an awm avangin Selesih leh a chhehvelah a zawn beihpui hi thlak niin a sawi. Mi bo zawnnaah hian Chaltlang bakah Central YMA remruatna-in YMA Branch paruk – Lungdai, Sihphir,
Sihphir Venghlun, Selesih leh Durtlang North Branch-in an huam chhung \heuhah an zawng a ni. Pu Hnamhlunchhunga chuan, Durtlang leh Muthi inrinna bulah a hniak ni awm tak hmuh a nih avangin naktukah helai bawr hi dap chhunzawm a nih tur thu leh hmuh a nih hma chu Mizo danin ni 7 chhung zawn chhunzawm a nih tur thu a sawi.
