Nizana YMA kumpuan hawnna Vananpa Hall-a neihah Pu Vanlalruata chuan, nikum October thlaa Union Home Minister Amit Shah-a’n Mizoram a rawn tlawh \umin, pawn dum nena lo hmuah an tum chu inbiakna neih a nih hnuah \ulh a ni tih a sawi a, Home Minister hnenah CAA an duhloh thu an lo thlen tih a sawi a, Parliament-a putluh a nih dawn khan NGO leh political party aiawh te chuan delhi ah an sawi ho leh bawk tih a sawi a, mi\henkhatin a sa seh huna tlan chhia anga an puhna chu thudik lo nia sawiin an tlanchhe lo tih a sawi.
Pu Vanlalruata chuan CAA in mizoarm a huam tak loh avangin aw an chhuah ta lo tih a sawi a, a hnuah political party ten inbeih nan an hmang zui a ni a ti a, Pathianin NGO te a veng him a ni a ti. Pu Vanlalruata hian MZP te CAA dodala an chetna chungchangah NESO anga hmalakna thil a nih avangin NGO Coordination chuan hriatthiamna thui tak a nei a ni a ti bawk.
Pu Vanlalruata chuan, mi\henkhatin CAA chungchangah YMA in hma ala lo anga an puhna a sawifiah a, CAA chungchangah hian YMA chauh hmalakna a ni lo a, pawl hrang hrang hmalakna a ni a, YMA bil anga hma lo lak a rem lo tih a sawi a, kum 2017 May thlaah a dodalna hi an lo kalpui tawh tih a sawi a, September thlaah Parliamnet-a JPC hotute hmu turin khatihlaia Central YMA President Pu Lalbiakzuala hovin an thawk thla tih a sawi a, Mizoram huam tir lo tura an duhna te an thlen tih a sawi.
A hnuah pawh dodalna hi kalpui zel a nih thu sawiin kum 2017 a Mizorama PM a rawn kal pawhin CAA an duh lohna an lo thlen tawh bawk tih a sawi a, nikum Republic day pawh mipui tel lovin an lo hman tir tawh bawk tih a sawi.
