Nimina Kamalanagar-a tlawmngai pawl hrang hrang \hukhawm chuan thuchhuah siamin Chakma Autonomous District Council dan lova din nia an sawi chu an hriatthiam loh thu sawiin Chakma National Council of India-in an zir chiannaah chuan CADC chu India ram, ram danpui hnuaia din niin an sawi a, Constitution 6th Schedule siam\hat leh kum 1971-a Northeastern Area Re-organization leh Govt. of Union Territory (Amendment) Act, 1971 chuan CADC siam leh Autonomous District Council dang pahnih siam a phalsak niin an sawi a ni.
Hetihlai hian Mizoram Chakma Students Union pawhin CADC pian chhuah dan chungchangah hian thudik tarlanna White Paper chhuah turin sorkar laipui leh Mizoram sorkar a ngen. Mizoram Chakma Students Union chuan Chakma Autonomous District Council \hiah ngiata tun thla ni 11-a Aizawla kawngzawh a huaihawt chu politics thil leh hnam thil atan thil \ha lo niin an sawi a, Mizoram UT a nih hunlaia Chakma Autonomous District Council siam a nih dawn lai khan Mizoram UT enkawl tura dah Adminstrator, Satya Jeevan Das chuan Chakma, Mara leh Lai te berawnin an ngaihdan a la vek niin a sawi a ni.
