Chalfilh biala kawng thar siam tur leh lei dawh tur lawmna inkhawm, Dilkhana neih tura kal CM, Pu Lal Thanhawla chu vawiin chawhma khan Keifang Dawrkawn a\anga Saitual PWD kawn thleng kawng sira intlarin khawtlang hruaitute leh mipuiten an lo hmuak a, Saituala an chawlhnaah Saitual khawpui chhunga pawl hrang hrangten pangpar an pek bakah Saitual District Implementing Demand Committee Chairman, Pu Rohmingliana chuan Saitual District tipuitling tura an ngenna memorandum a lo thehl<t a, he lehkha rual hian Assembly bial dang, Lengteng leh Chalfilh biala mite ngenna lehkha 31 a pe bawk a ni. An lo lawmna inkhawmah hian CM chuan Saitual mipuiten phut neiin an lo hmuak tih sawiin, programme dang a neih avangin chumi lam pana a kal leh mai chu a \ul tih mipuite a hrilh a, hemi hnu hian a kalna tur, Dilkhan lam a pan leh ta a ni. Hemi hnua Chalfilh bial chhunga kawng siam tur leh lei dawh tur lawmna inkhawm, Dilkhan Field-a neihah CM chuan, politics chu induhsak bik neihna tur a ni lo tih sawiin, bial hrang hrangah en hran bik party nei lovin hna thawh tur a ni a, Politics-ah hian chhungkhat leh laina duhsak bik neih tur a ni lo niin a sawi. Pu Lal Thanhawla chuan Mizoramah tlawmngai pawl \ha tak tak an awm a, hengte nen hian thawh ho thiam a ngai a, hna chi hrang hrang thawkte hian an hna chu Pathian rawngbawlnaa ngaiin malsawmna dawng tlaka taimaa hna an thawh a ngai niin a sawi a ni. CM chuan Chalfilh bial mipuiten MLA \ha tak, thil tih dan hria an nei niin a sawi a, an bial chhunga kawng zawng zawng chu sorkarin nakkum inthlan hmain alkatra luan vek a tum niin a sawi bawk. He inkhawmah hian bialtu MLA, Dr. Ngurdingliana pawhin a thil ngaih pawimawhte chu hriselna, zirna leh kawng niin a sawi a ni.
