Tun hnaia nikir ruah sur vang khan, Sirphirtlang leh Tlabung inkar hmun 80 chuangah lei a min a, hei hian ni 6 chhung zet inkalpawhna kawng a dan pin bakah, Tlabung leh a chhehvel khaw hrang hrangin ni 6 chhung eng an hmuh theih tawh loh phah a ni.
Tlabung SDO (C) Pu Henry C Lalrawnkima leh Lungleia Highway Division-IV hotute hmalaknain, Vinco Construction leh GP Projects. ltd bakah PWD Highway Division-ten an khawl hmangin kawng hnawhtu leimin hi an thianfai a, ngawrh taka leimin paih fai hna thawh a nih hnu-ah, lirthei zawh theih turin a tlang ta a ni.
Hetih lai hian leiminin kawlphetha lak luhna hrui leh ban a tihchhiat nual avangin Tlabung mipuiten chawlhkar khat tling lo deuh eng an hmu tawh lo va, vawiin khan Power & Eelctricity department bakah, YMA, Zodin branch leh YMA, Chawnpui branch a\anga mi tlawmngai thawkchhuak mi 300 velten electric hrui leh ban te hi hnatlangin an siam\ha a, hrui thlak ngai te an thlak bakah ban phun that ngai te an phun tha nghal a ni.
