Cheng Nuai Rs. 269.18 senga sak Mara Students’ Boy’s Hostel, Zotlang ami chu vawiin khan Assembly Speaker Pu Hiphei a’n a hawng.
Hawnna thu sawiin Pu Hiphei chuan, thiam thei aiin mi taima zingah hlawhtling an tam zawk tih a sawi a, zirlaite chu Civil Service, Medical, Technical leh University lamah te inzar pharh tura \an la turin a chah a ni. AH&Vety Minister Pu C. Ngunlianchunga leh MADC CEM Pu N. Zakhai te pawhin thu an sawi a ni. Mara Students’ Boy’s Hostel hi Non-Lapsable Central Pool Resources Fund atanga sum hmuh Cheng Nuai Rs. 269.18 senga sak a ni a. Kum 2014, July ni 17 a\anga sa \anin, kumin May ni 31 khan zawhfel a ni a. Khum 60 awm theihna a ni. Hostel hawnna inkhawm hi MADC Executive Member, PWD changtu Pu K.Chhuabei a’n a kaihruai a ni.
