Tun hnaia ruahsur nasa avanga Mizoram hmun hrang hrang chhiat tawkte \anpuina atana Central YMA-in vehbur a khawn chu naktukah sem chhuah a ni dawn a, he vehbur khawnah hian vawiin thleng khan Rs. 1,47,02,116 hmuh a ni tawh a, tun thla ni 4-a sem chhuah tura tih ni mah se, hmun hrang hrang a\anga \anpuina a luh belh zel avangin naktukah sem chhuah a ni zawk dawn ta a ni. Aizawl khawpui chhung Branch a\anga \anpuina sem turte chu Tuikhuahtlanga Central YMA Hall-ah sem a ni dawn a. Sub-Headquarters-in a awp, Branch huam chhunga mi chu Sub-Headquarters pisa-ah sem a ni ang a, Group YMA leh Central YMA awp, Group YMA huam chhunga mi chu YMA Pisa emaw hmun remchang dangah emaw sem tur a ni. Tun \uma \anpuina pek turte hi kumin June a\anga August thla chhunga chhiat tawkte an ni a. Central YMA chuan, \anpuina dawng turte chu Branch YMA hruaitu 2 talin \awiawm se a ti a ni.
Central YMA chuan, tun thla ni 28-a Delhi Mizo Zirlai Pawl-in New Delhi-a Jantar Mantar hmuna ram dang a\anga dan lova lo pem lut \hinte duh loh lantirna, Nationwide Demonstration on Illegal Migrants a huaihawt turah \anpuina cheng nuai 3 a pe dawn a. He lungawi loh lantirna hi tun thla ni 28 tlai dar 3 a\anga dar 4:30 chhungin neih a ni ang a, Delhi Mizo Zirlai Pawl ngen angin Central YMA chuan heta tel ve tura aiawh tirh a remti bawk.
