Meeting kaihruaitu Chief Secretary chuan, tun dinhmunah Mizo zingah emaw Mizoram rawn tlawhtu khualzin zingah emaw Covid 19 vei hmuhchhuah an la awm lo tih a sawi a, mipuite chu chiai lo tura a duhthu sawiin nitin mamawh khaihlak tur anga thuthang awm pawh thu dik lo a ni a ti a, bungraw phur te pawh buaina awm lovin Mizoramah a lut reng a, sorkarin thla 3 daih buhfai chhekkawl sa a neih bakah, tui alhthei leh eirawngbawlna Gas pawh a tam tawk a ni a ti.
Sorkar thuchhuah tarlan danin \hutkhawmnah hian Myanmar leh Bangladesh nen inrina te chu khar a nih tawh thu te, lut chhuak an awm loh nan Assem Rifles leh Mizoram Police te, khaw mipuite \anghovin duty tura tih a nih thu te, Zokhawthar leh Kawrpuichhuah inkalpawhnaah darkar 24 chhung duty tur a nih thu te, Mizorama rawn lut Covid 19 kai thei tura rinhlelhte chu dahhran nghal zel an nih tur thu te, State dang nen a inkalpawhna laiah ngawrh taka duty dah anih tur thu te sawilan a ni a. Mizoram chhuahsan tur leh lut tur khualzin phur lirtheite chu an mi phurhte hming, kum, awmna leh biakpawh theihna tur te chhinchhiah vek tura hriattir an nih thu leh ramdang mite chu thu leh awm hma chuan Mizorama lut rih lo tura tih an nih thu te sawilan a ni.
