Chief Minister, Pu Lal Thanhawla hovin vawiin chawhnu khan Chief Secretary Conference Room-ah Cabinet Meeting neih a ni. He Cabinet Meeting-ah hian thu ngaihtuah tura chhawpchhuah 30 a awm a, an thutlukna siamte hi nghah mek a ni. Meeting-a thil pawimawh ngaihtuah tura chhawp chhuah zingah Champhai, Kolasib leh Mamit Polytechnic-a atana hna 113 siam rawtna te, Bawngkawn Brigade Area Phase I-a Residential Land Certificate leh pass cancel sak rawtna te, Aizawl Revenue District thendarha, Aizawl North Revenue District leh Aizawl South Revenue District siam rawtna te, Information & Public Relations Deptt. leh Printing & Stationary ram chin chinfel dan tur te, Champhai District Court-a Additional District & Session Judge hna siam belh rawtna te, Mizorama District 5-a Adhoc Municipality din rawtna te, Social Welfare Deptt. Department pahnih, Directorate of Social Welfare & Tribal Affairs leh Directorate of Women & Child Development siamna te, Mizoram Right of Children to Free & Compulsory Education Rules, 2011 siam that rawtna te a tel a ni.
