Chief Minister, Pu Lal Thanhawla’n Mizoten chanchin \ha an hril chhung chu Pathianin tute mah a chimral tir lovang tih chu a ngaihdan a nih thu vawiina Upper Khatla-a Bible House thar sakna tur lungphum inkhawmah a sawi a. Mizote chu hnam tlemte ni chungin ring lo mite hual velna karah min dah a, chhak lamah Buddhist, thleng lamah Mosolman, hmar lamah Hindu sakhaw betuten min hual a, khawvel huap pawha sakhaw lian tak tak hual vel kara awm ni chungin Kristian \ha tak kan ni thei chu Pathian kaihhruai hnam kan nih zia tilang tu leh tlang mi zingah pawh Kristian ni hnuhnung ber chunga a nghet ber pawl kan ni thei chu Pathian malsawmna a nih thu a sawi. Pu Lal Thanhawla chuan, tlangmi dang zingah khaw khata awmte pawh \awng khata inbe hlei thei lo an awm fur laiin, Mizote chu khawi hmuna cheng pawh ni ila Duhlian \awnga kan inhriat pawh theih deuh vek chu kan vanneihna a ni, a ti a. Mizoram chu ram chhengchhe tak, tlang rama cheng ni mah ila ram leilung leh boruak duhthusama \ha a ni a, Pathianin ram leilung hausakna \ha tak min pek hi haichhuak tura nasa lehzuala \anlak a ngai tih a sawi. Chief Minister chuan, mithiamte chhut danah Mizoram chu lirnghing na tak thlen theihna hmuna awm ni lam ila vawiin thlenga chhiatna lian tham a la thleng lo chu Pathian zahngaihna liau liau a nih thu leh India-a Hindu khawpui Varanasi-ah vawiin thlenga Kristian Missionay-ten zalen taka rawng an la bawl thei chu Pathian hnathawh a nih thu a sawi bawk.
