Samthanga Welfare Commitee, Aizawl-in ruahmanna an siam angin, Samthang khua leh Samthang khawchhuak hmun hrang hranga awmten Covid-19 do kawnga hmalakna tur sum hi an thawh khawm a, heng sum tlingkhawmte hi vawiin khan Samthang Welfare Commitee, Aizawl Chairman, Pu Lalrinawma Vuite leh hruaitu thenkhatin Chief Minister kutah an hlan a ni. Chief Minister, Pu Zoramthanga chuan, a pianna khua Samthang mipui leh an khaw chhuakten hri leng dona tura CM Relief Fund-a sum thahnem tak an pe chu a lawm hle tih Samthanga Welfare Commitee, Aizawl hruaitute hi a lo hrilh a, hei hian amah leh an khawtlang a chawimawi hle nia a hriat thu a sawi.
Chief Ministers’ Relief Fund-ah hian Kolasib DC Office Officers & Staff pawhin cheng sing 9, sang 2 leh za 7 an pe a, Chalfilh East Block MNF -in cheng sing 1 leh sang 6 leh Contract Health Workers’ Association pawhin cheng sing 1 an pe bawk.
