Chief Minister hi Information & Public Relations Minister, Pu Lalruatkima, Principal Secretary PWD enkawltu, Pu Lalramthanga, Engineer in Chief Pu R. Vanlaltluanga, Chief Engineer Highway, Pu K. Lalsawmvela leh Officer dang ten an \awiawma, Aizawl-Sairang-Kawnpui leh Thingdawlte tlawhin tun dinhmuna National HighWay 54-a siam\hat ngai zual lai, Buichali leh Kawnpui inkara kawngpuia tuichhuah \hinna lai leh lei nghehlohna lai hmun 14 thlan chhuah a nia, chutah chuan Cement Concrete in kawng hi siam a ni anga, a siamna tur sum chu Mizoram sorkar in a tum dawna, sum hman tur Estimate PWD Engineer-te’n an siam chu Rs 6,23,00,000/- a ni.
Chief Minister chuan he kawng siam hna hi \an nghal turin PWD Engineer-te chu a hrilha, hemi bakah hian Aizawl-Silchar kawng, National Highway 54 a a chhe zual lai zawng zawng pawh a siam dan pangngaiin tun \hal chhung hian siam \ha turin a hrilh a, hei hian Tuirial leh Serchhip inkar kawng chhe zual lai pawh a huam a ni.
Chief Minister leh amah zuitute hian kawngpuiah tuk\huan an ei a, hemi hnu hian Thingdawla Horticulture Farm-te a tlawh bawk. Chief Minister hian naktukah Bawngkawn leh Vaivakawna Motor kawng chhawng, kawngpui chunga dawh tur, Fly-over dawh dan tur phai lam a\anga mithiam lo kalte leh PWD Engineer-te a enpui dawn bawk.
