Vawiin a Assembly zawhna leh chhanna huna Vaivakawn leh Bawngkawn fly over siamna tur leh Chaltlanga Inter State bus Terminal siam na tur chungchang a sawifiahnaah Chief minister chuan, kawng chhawng siamna tur chu mithiam zawk te nen hma lak ala ni dawn tih a sawi a, kawngchhawng chu Chanmari leh kulikawn inkara siam chu a awlsam a rin thu sawiin bawngkawn thleng tur erawh chuan a plangtlang turah harsatna a awm a rin thu sawiin kawng chhawng siam turah hmun remchang apiangah chhuahna leh luhna siam tum a nih thu a sawi a, hotu \henkhatin Chanmari a chuang kha a laiah pawh chhuk duh ila Kulikawna chhuk tho a ngai ang tia nuihza siamna atana an hman ang chu a ni dawn lo a ni a ti.
Pu Rama chuan, Vaivakawn leh bawngkawn flyover leh Chaltlanga Inter State Bus terminal siam an tumnaah tihfuh tawk loh an neih thu a sawi a, a tira DPR siam tu ten feasibilty report an pek chu a fel tawk lo a, Ministry lamin an pawm thei lo tih a sawi a, hemi avang hian an hmalakna a hnufum phah thu a sawi a, feasibilty report siam hmasatu consultancy firm te chu an inhnukdawk tawh a, consultancy firm \ha nia hriat chu feasibilty report siam tura rawih leh an ni a ti. Pu Rama chuan, Flyover 2 siam tur te chu kawng chhawng nen inzawm remchang tura design vek a nih thu a sawi.
Hemi chungchanga zawhna UD&PA Minister Pu Tawnluia’n a chhannaah Vaivakawn leh bawngkawn fly over leh Chaltlanga Inter State Bus terminal siamna tura atan NPEC in feasibilty report a siam chu Ministry lamin a pawm theih loh avangin an inhnukdawk tih a sawi a, a hnuah Ministry pawmpui Consultancy firm TCIL chu rawih leh a nih thu sawiin an ni hian Project pathum tan hian hma an lak nghal thu a sawi a ni.
