v ruah sur nasa avanga lei mina thi zat chu mi 26 an tling tawh a, mi dang 9 vel chin hriat lohin an la awm nia hriat a ni bawk. Puan tawh angin, Thawhtanni khan Guizhou province-a Nayong County-a khaw pakhat, Zhangjiawan Township-ah ruahsur nasa avangin lei a min a, chirhdiak, cubic metre 6,00,000 velin khua hi a chhilh a, tun hnaia China ram chhim lama thlipui na tak pahnih – Typhoon Hato leh Typhoon Pakhar thawk avang khan he province-ah hian ruah a sur nasa hle a ni. Zhangjiawan khuaa lei minna hmun, sq metre 1,50,000 vela zau an enfiah hnuah pawh, dam chhuak hmuh tur an awm lo nia sawi a ni a, mi 2,800 chuangin chhanchhuah hna hi thawkin, police, kang thelh pawl, damdawi lam hnathawk leh sorkar hnathawk engemawzat an tel a, lirthei 100 chuang leh ral atanga thunun theih thlawhna, drone 8 bakah, thil nung zawn chhuahna khawl, life detector 20 hman a ni bawk. China ram Finance Ministry leh Civil Affairs Ministry tangkawpin lei min tuarte chhawmdawlna atan dollar 24,00,000 vel a dah hrang tawh a, lei min hnu hian in 80-a cheng, mi 289 vel sawn chhuah an ni tawh bawk.
Chanchin Thar China-a Guizhou province-a lei minah mi 26 thi tawh, mi dang 9...
