US-a hri danna vaccine buaipuitute, damlote enkawl leh test neih kawnga hmalatute chuan beih an tawk tih FBI-in a hmu a, US chuan China sorkara internet lam mithiamte chu beituah hian puhin, China chuan a pha thung a ni.
He hri leng hian US leh China inkarah innghirnghona a thlen chho zel a, khawvel pumpuia hri leng vang hian an inmawhpuh tawn reng a ni.
Federal Bureau of Investigation and Cybersecurity leh Infrastructure Security Agency chu inthurualin he inbeihna nia hriatah hian China chu na takin an vaukhan a ni. Cyber rukrute hian coronavirus kai damlote enkawl dan chu hriat tumin hma an la a, fing kherek takin mipuite hriselna dinhmun chhinchhiahnate an hai ru nia sawi a ni.
