Chinese Centre for Disease Control and Prevention (CCDC) report tarlan dan chuan virus kai zaa 80 te chu mihringah a thawk na vak lo a, khawsik satliah anga langin, kum upa leh chak lo zualte tan chauh a hlauhawm a ni.
Zirchianna a\ang hian damdawi lama thawktute tan he virus hi a hlauhawm zual tih tarlan a ni a, Wuhan khawpuia damdawiin pakhat director chu he virus vang hian a lo thi tawh a, Liu Zhiming kum 51 mi hi Wuchang Hospital director a ni a, virus darh \anna hmunpuia dam lote enkawlna damdawiin lian ber hotu a ni. Hubei province-a Wuhan leh a chhehvelah hian he natna kai zaa 2.9 velin an thihpui a, an ram chhung hmun dangah chuan a kai zinga zaa 0.4 velin an thihpui a ni. Zirchianna a\anga a lan danin Covid-19 virus hi chawhrualin a kai zinga 2.3 in an tihpui a ni.
China in a zirchianna report a phochhuah tharah hian virus kai zat hi mi 72,436 an ni a, an zinga 1,868 in an thihpui tawh a ni.
