Airport thar hi China khawpui Beijing-ah sak a ni a, Daxing International Airport tih vuah a ni.
He airport hi square meter 7,00,000-a zau a ni a, football field 98 vel lenga ngaih a ni.
China Daily-in a tarlan danin Beijing-a Airport hmanlai, kum 1958-a din, Beijing Capital International Airport chu khualzin maktaduai 100 velin an hman avangin a lun hle a, hei vang hian Airport thar, Daxing Airport chu din niin hei hi khawvela terminal lian ber a ni a, kum 2025-ah chuan khualzin mi maktaduai 170 vel dawng tura ngaih a ni.
State Agency chuan airport tharah hian domestic airlines 7-in bul an \an hmasa dawn niin a sawi a, chung zingah chuan China Southern Airlines leh China Eastern Airlines te chu Daxing a\angin an thlawk chhuak hmasa ber dawn a ni.
Ram pawn lam a\angin British Airways, Cathay Pacific leh Finnair te chuan Daxing an hman tur thu an lo puang tawh a ni.
He Airport thar hi Architect hmingthang tak, Zaha Hadid-a design a ni.
