National Health Commission sawi danin thu neituten kumin January thla atanga an puanchhuah chinah Coronavirus rawn chhuahna khawpui Wuhan ah a vawikhat nan kai thar an awmlo a ni.
January ni 23 atang khan Wuhan a mipui maktaduai sawmpakhat te chu khauh taka inkhung tir an ni a, Hubei ramchhung a cheng mi maktaduai sawmli chuang te pawh chhuak lo tura khuahkhirh ve nghal an ni.
China ah hian mi singriat sangkhat in COVID-19 hi kai tawhin, mi sangsarih zahnih sawmruk pathum chauhin an damloh pui thung a ni.
China ram chhung a cheng te zingah kai thar awm rih lo mahse kai thar mi 34 ram pawn atanga China a kir leh te zingah an awm thung a ni.
