Chief Justice SA Bobde-a kaihhruai Bench hian ukil Kapil Sibal-a’n CAA chungchang rang zawka ngaihtuah tura ngenna a thlen chungchangah CAA ngaihtuah hun tur hi a sawi a, Kapil Sibal hian centre chuan CAA chungchangah hian chhanna tun thlengin court ah a la thehlut lo tih sawiin, rang zawka ngaihtuah turin court hi a ngen a ni.
Attorney General KK venugopal chuan centre hian ni rei lote-ah CAA chungchang chhanna hi a thehlut ang tih court hi a hrilh thung.
Judge pakua awmna bench hian Sabarimala temple leh Mosque hrang hranga hmeichhiate luh phalsak leh phalsak loh chungchangah sakhaw dan dinglai leh ram dan dinglai te a enfel chho mek a. Hemi zawhfel a nih hnuah CAA hi a ngaihtuah \an dawn a ni.
