Mizoramah pawh MZP huaihawtin an pisaah he Bill duhlohna inkhawm neih a ni a, hetah hian thusawiin MZP President Pu L. Ramdinliana Renthlei chuan, Parliament-ah The Citizenship (Amendment) Bill, 2016 pass a nih chuan Afghanistan, Bangladesh leh Pakistan a\anga ram chhung a\angin Hindu, Sikh, Buddhist, Jain, Persi leh Kristian India ramah lo lutin, kum 6 India-a an awm hnuah ram khualehtui nihna pek theih an ni dawn niin a sawi a, he Bill hi pass a nih chuan hmarchhak biala State hrang hrang zinga mi Mizoram tan a \ha lo zual dawn a, Bangladesh a\anga dan lova Mizorama lut Buddhist te chu awlsam takin India ram khualehtuiah lakluh an ni thei dawn a, hemi avang hian he Bill hi pass lo tura \angruala do a ngai dawn niin a sawi.
Pu L. Ramdinliana Renthlei chuan, Joint NGO-in Delhi-a The Citizenship Amendment Bill, 2016 zirchiangtu tura din Joint Parliamentary Committee hotute nikuma an hmuh \umin Mizoram tlawh ve tura an ngen thu a sawi a, amaherawhchu, an ngenna hi Joint Parliamentary Committee chuan ngaipawimawh lova a kal kan chu an hriatthiam loh thu sawiin, Mizoram tlawh lova Citizenship Amendment Bill, 2016 hi pass a nih chuan sorkarin Mizoram chu India ram bung pakhatah a pawm lova an ngaih tur thu sawiin Mizo \halaiten an tih tur an ti ve mai dawn niin a sawi.
Inkhawm hi an pawl Treasurer, Michael Lalramsanga’n a kaihruai a, NESO, Finance Secretary, Ricky Lalbiakmawia’n thu a sawi bawk.
