Sorkar laipuiin Citizenship (Amendment) Bill, 2016 Parliament-a pass a tumna an duh lohzia lantir nan Mizoram Chhantu Pawl-in vawiin khan Chakma House bulah he Bill copy hi an hal a, an pawl President, Pu C. Ramherliana chuan, Citizenship (Amendment) Bill, 2016 an hal chhan chu Zohnahthlak zawng zawngte tan a him loh vang niin a sawi a, an pawl chu Political party awn lam nei lo ram leh hnam himna tura thawk tura indin an nih thu te, Mizoramah Chakma-ten chanvo neih ve an tum chu an duh loh thute sawiin, an chawr chhuahna rama kir thuai tura an duh thu te a sawi a, ram leh hnam himna atana an thil tih chu sorkar laipui leh Mizoram sorkarin dal lo se an duh thu a sawi bawk. Hemi hnu hian Citizenship (Amendment) Bill, 2016 copy hi a hal nghal a, an halnaah hian Police-te pawh an duty a ni.
