Mizoram sorkara Council of Ministers chu vawiin tlai dar 3 khan CM, Pu Lal Thanhawla hovin New Secretariat Complex-a Chief Secretary’s Conference Room-ah an thu khawm a, an thutlukna nghah mek a ni. An thu ngaihtuah zingah Commerce and Industries Department-a Joint Director (Accounts) chu Mizoram Finance and Accounts Service-a thun rawtna te, Mizoram State Legal Services Authority-a hna thar 38 siam rawtna te, Draft Mizoram State Legal Services Authority (Amendment) Regulations, 2017-te, Mizoram Police Service-a Junior Administrative Grade leh Selection Grade-te hna chanpual siksawi rawtna te, Vairengte-a MIFCO ram, Police Station hmun atana pek then rawtna te, Mamit Luangpawla JNV School Building sakna ram petu mi 2, Group D hna pek rawtna te, Mizoram Regularization of Contract Employees Scheme, 2008 thlah dul rawtna te, The Draft Mizoram State Commission for Protection of Child Right Rules, 2017 leh The Mizoram (Election to Sinlung Hills Development Council) Rules, 2017-te a tel a ni. He thutkhawmnaah hian Cabinet Minister zingah Pu John Rotluangliana leh Pu Lal Thanzara tih loh Minister dang zawng chu an tel nia hriat a ni.
