Prism chuan, CM vengtu Police-ten nizana Sihphir mi pakhat kut an thlak nia sawi chu \ha lo an tih thu an sawi a. Mizoram chu India rama state ralmuang ber leh hel pawh awm lohna, a mi chengten nuam an tih leh ram hruaitute pawhin chhuang taka an sawi \hin a nih laia ram hruaitu leh a zuituten dinhmun hniam zawka ding kut an thlak thawm hriat tur a awm leh \hin chu \ha an tih loh thu leh hetiang thil hi tun hnuah thleng nawn tawh lo se an duh thu an sawi a. Minister emaw MLA emaw leh an \huihruaiten mi dang kut an thlak \hin nia sawi chu khap zawk tura ngaih hruaitu lu ber vengtute meuhin mi dang kut an thlak chu zahthlak an tih thu sawiin, CM vengtu Police-te kut tuar hi a inenkawlna pe tur leh CM chu mipui hmaa ngaihdam dil tura an phut thu, Prism chuan an sawi a ni.
