Rahul Gandhi chuan he thubuai finfiahna neih mek hi tunah chuan thi ang hmiah a ni tawh tih sawiin, Davinder Singh chuan mi firfiak 3 te a inah a hum tih sawiin, fast track court-in thla 6 chhung chhui mahsela, thiamloh chantir a nih chuan India ram phatsantu a nih anga hremna pek tur a ni ang tih a sawi bawk. Congress General Secretary Priyanka Gandhi Vadra pawhin ngunthluk takin Davinder Singh chu dawp se a duh tih a sawi bawk.
Kar kalta khan Srinagar International Airport-Deputy Superintendent of Police, Davinder Singh chu mi firfiak pawl, Hizbul Mujahideen mi leh sa pathum te nen Jammu leh Srinagar inkar kawngpuia an tlan lai man a ni a, an man hnu lawkah Davinder-a chenna in chu dap chhunzawmin AK rifle leh pistol pahnih an man a, finfiahna kal zelah Davinder chuan a inah mi firfiakte bihrukna a lo siamsak bawk a ni.
