Lai Autonomous District Council, LADC-a Congress Legislature Party Secretary Pu Laltlawmlova Chinzah chuan Gauhati High Court Aizawl Bench-a an thu thlen chu court hian ngaihtuahin tun thla ni 29 thleng sorkar chu a kal ngaia kal rih turin vawiin khan thupek lailawk a tichhuak a, Congress party hian sorkar an thlawpna hnukdawktu, Congress Member 4 leh Independent Member 1 te chet dan hian LADC inrelbawlna dan CCB Rules a kalh nia sawiin, MDC an nihna a\anga bantir an nih theihna tura inrawlh turin Court hi an ngen a ni.
LADC Congress sorkar dinglaia Chairman Pu V. Zirsanga tiamin, member pali leh sorkar thlawptu Independent member pakhat chuan June ni 26 khan sorkar an thlawpna hnukdawkin MNF member 8 te nen United Legislature Party an din a ni.
Congress a\anga hel MDC ten an thlawpna an hnuhdawh takah hian Elected member 25 awmna LADC ah hian Pu T Zakunga kaihhruai Congress sorkar dinglai chuan thlawptu member 12 chauh a nei ta a, United Legislature Party-ah hian MDC 13 an awm ta thung a, hetihlai hian Congress party chuan MDC hel te hian LADC CCB Rules an bawhchhia nia sawiin ban tir an nih theihna turin Court-ah ngenna an thlen ve thung a, ban tir an nih chuan Congress sorkar dinglai hian majority a la nei chhunzawm thei dawn tihna a ni thung.
LADC-a Congress Legislature party Secretary Pu Laltlawmlova Chinzah chuan MNF party chu sorkarna an chan apianga Autonomous District Council te tibuai \hinah a puh a, Direct Funding te leh UT hial dil duhna thawm ri \hinte pawh MNF sorkarna hnuaia Autonomous District Council ten him lova an inhriat \hin vang niin a sawi.
