Congress MLA ni lai official candidate puan chhuah zinga tel ta lo te hi Kolasib bialtu Pu PC Zoramsangliana te, Hachhak bialtu Pu Lalrinmawia Ralte, Serlui bialtu Pu K Lalrinthanga, Turial bialtu Pu Hmingdailova Khiangte, Aizawl North 1 bialtu Pu R Romawia, Aizaawl East-I bialtu Dy Speaker nilai Pu R Lalrinawma, Lunglei South Bialtu Pu S Laldingliana leh Champhai South bialtu Pu JH Ro\huama te an ni.
Kolasib bialah Pu PC Zoramsangliana aiah Chalfilh bialtu Dr Ngurdingliana dah a ni a, Chalfilh bialah hian tun hnaia congress zawm thar IPS hlui Pu LT Hrangchal dah a ni. Hachhek bialah hian Pu Lalrinmawia Ralte aiah mithar Pu Lalrindika Ralte Zarkawt veng pa dah a ni a, Serlui bialah Pu K Lalrinthanga aiah MZP president hlui Anggu Lalhmachhuana dah a ni. Tuirial bialah Pu Hmingdailova Khiangte aiah Pu Joseph L Ralte dah a ni a, Aizawl North-I ah Pu R Romawia aiah mi thar Pu C. Lalhlimpuia dah a ni. Aizawl East-I ah Dy Speaker nilai Pu R Lalrinawma aiah mi thar Pu K Vanlalrawna Zemabawk dah a ni a. Lunglei South ah Pu S Laldingliana aiah Pu Lalnunthara dah a ni bawk.
MPCC President Pu Lal Thanhawla chu bial pahnih ah a ding leh dawn a, a bial ngai Serchhip bakah Champhai South-ah a ding dawn a, Champhai South hi Pu JH Rothuama bial vawnlai a ni.
Vawiina Candidate puan takah Palak, West Tuipui leh Tuichawng biala ding turte puan tel a la nih loh avangin Speaker nilai Pu Hiphei bakah Minister hlui pahnih Dr BD Chakma leh Pu Nihar Kanti Chakma te chu an bial ngaiah an ding leh dawn em tih a la chiang lo a, Tuichawng biala Congress MLA Dr. BD Chakma chuan Congress ticket-a a din tawh loh tur thu ziakin an party President, Pu Lal Thanhawla hnenah nimin khan a thehlut a ni.
Congress Vice President a\anga hnawh chhuah tak, Home Minister hlui Pu R Lalzirliana bial ni \hin, |awi bialah chuan Congress party hian AMC councillor hlui Pu Rosiamngheta an dintir dawn a, Congress GS a\anga bang ta, minister hlui Pu Lalrinliana Sailo bial ni \hin Tuichangah chuan MPCC Media Dept Chairman nilai Pu James Thanghmingmawia an dintir dawn bawk.
