Congress sorkarin hmalakna tur hrang hrang a duan chu ram hmasawnna tluantling nilovin nachhawkna ang chauh a ni tih MNF Vice President Dr R Lalthangliana’n a sawi. He thu hi vawiina Vairengte Multipurpose Hall-a Serlui North Block MNF in SEDP zirhona an buatsaihah a sawi a, Congress in kum 10 dawn sorkarna an chan chhungin Mizoram chu nasa takin an tichhia nia sawiin, mipui leh kohhran rilru an hliam na hle niin a sawi. Dr R Lalthangliana chuan, an tih chhiat leh mi rilru an hliam te thawi dam leh tuma sum leh therhlo hmanga nasa taka \an la mekah sorkar a puh a, an hmalak tum dan chu sorkar leh tumna chauh nia sawiin an hun kal tawha an thil tih \ha lo tam tak te theihnghilh lo turin an party mipui te a chah a ni. Dr R Lalthangliana chuan, Congress chu kumtluana kawng chhiat pawh pawi ti lo, inthlan dawn thla 4 vel chauh awm tawha mipui bum nana kawng siam tharthawh lehah a puh bawk a, hei avang hian an kawng siam pawh a chhe hle niin a sawi. Inkhawm hi Serlui North Block MNF President Pu B Lalnuntluanga’n a kaihruai a ni.
