Tui leh sahbawn awm lohna hmuna an awm chuan hand sanitizer chu hman hram a \hat thu an sawi bakah sanitizer-ah chuan alcohol zaa 60 tal a tel tur a ni an ti a, hand sanitizer chu kuta nuai darh nghal mai lovin kut phahah far a, kut rual rem taka inthuah tira nuai tur a ni a, a ro hma chu thil dang khawih rih loh tur a ni. Hmanrua leh nitina mamawh khawih reng ngai ang chite tihfai nan cleanser leh wipes te pawh a \ha niin mithiamte chuan an sawi bawk. Khaw vawtah coronavirus chu a dam rei thei lo tih chu thu belhchian dawl lo a ni a, mihring hrisel \ha pangngai taksa lum zawng chu celcius degree 36.5 a\anga 37 te a ni a, hnathawh hah lai emaw khaw lum laiin mihring taksa lum zawng hi a danglam thei bawk a, coronavirus laka mahni \heuh invenhimna \ha ber chu zinga taka tui leh sahbawn hmanga kut silfai leh alcohol telna hand sanitizer hman a ni an ti a, alcohol chu natna hrik that thei a nih vangin alcohol telna hand sanitizer chu sanitizer dang aiin a thawk chak zawk tih an sawi bawk. Hetihlai hian mahnia hand sanitizer insiam chawp an awm bawk a, hand sanitizer siam nan vodka hman chu a rintlak loh tih mithiamte chuan an sawi bawk.
