Ram mipuite tana PM Narendra Modi thuchah (March 24, 2020)
Pathianni kaltaa Janta Curfew neih takah ram mipuite’n an tih tur an hlen tha hle a, eng harsatna pawh su tlang thei tur khawpin kan inpumkhatna hi a tha a ni.
Inpuahchahna tam tak kalpui ni mahse, Coronavirus hi a darh chak hle mai a, tun dinhmunah chuan tawmim hi kan ralthuam neih that ber a ni rih a ni. Social distancing (tawmim) hi coronavirus vei te tan chauh a ni lo a, mi zawng zawng, chhungkaw tin tan a ni a, Prime Minister tan pawh a ni ve tho bawk. Thuawih duh lo mi tlemte vangin khawtlang, state leh ram pum a buai thei. Hetiang dinhmun hi kan thleng a nih chuan ramin a tawrh dan tur hi sawi thiam rual a ni lo a ni. Nii hnih chhung lock-down kan nei tawh a, state sorkar-te pawh khauh tura hriattir an ni a, a tawng tawhte atangin a pawimawh zia kan hria a ni.
Zanin zanlai atangin ram pumah “complete lockdown” neih tur a ni.
Ram chhan turin mahni in chhuahsan loh tur a ni, chhuah khap tlat a ni dawn a, state leh UT zawng zawng, district leh khua leh veng tinah lockdown neih tur a ni a, Janta curfew aia khauh zawk khan kan curfew dawn a , zanin zanlai atangin ram pumah lockdown tluantling neih a ni ang a, i in chhuahsan tawh lo ang che. Lockdown-in a nghawng sum leh pai harsatna awm reng reng ramin a phur ang, khua leh tuite nunna hi a pawimawh ber a, chuvangin i awmna hmun ngaiah khan awm tlat ang che. Nitin mamawh leh tul zualpui chu sorkarin a ngaihtuah zel ang.
Lockdown hi ni 21 chhung neih a ni ang.
He hun hi a pawimawh hle dawn a, hemi hun chhung hian coronavirus natna hri tam tak a rêm hman ngei dawn a, World Health Organization chuan mi 1 lek pawhin midang 100 a kaichhawn theih thu an lo sawi tawh a, a darh tawh chuan a lêt zela a pun avangte leh a hri kaite hi natna nei hmel pawh an put mai thin loh avangin, ram dangte pawhin harsatna nasa tak an tawk mek reng a ni. Coronavirus darh zel tur ven kawngah tawmim leh inkharkhip tur sorkar ngenna ngai pawimawh ramte chuan ziaawm lam an pan tan tawh a, heng ramte hi kan entawn tur a ni.
Lockdown chhunga ina i awm hunah i rilru leh tawngtainaah an nun thâpa hnathawkte hre reng la – doctor, nurse, para-medics leh pathologist-te chhun leh zana hna thawk te, in veng leh khawtlang tihfai leh himna atana hnathawkte leh chanchinthar dik leh rintlak lakkhawm saktu che journalist leh mediaperson zawng zawngte tan pawh lo tawngtai ang che.
Lockdown chhunga ina i awm hunah i rilru leh tawngtainaah an nun thâpa hnathawkte – chhun leh zan pawh sawi ngai lo doctor, nurse, para-medics leh pathologist-te, in khawtlang faina leh himna ngai pawimawhtu tualchhung hruaitute leh nitin kartluana chanchinthar dik leh rintlak min hluitu journalist leh mediaperson zawng zawngte, hre reng la, an tan lo tawngtai ang che.
