Kum 71 mi Sacramento bul damdawi in pakhata thi ta hi hun engemawchen lo enkawl tawh, Lawng lian pakhata tunhnaia chuang zinga mi a ni a, White House chuan US rampum huapa huam zau zawka test neih a rawt a ni.
US ah hian state 16 ah Covid 19 kai mi 150 finfiah an awm tawh a, khawvel pum huap chuan virus kai hi mi 92,000 an tling tawh a, heng zinga 80,000 chu China-a cheng te an ni a, khawvel hmun hrang hrangah mi 3,000 velin an thipui tawh a, a tam ber chu China mi an ni.
US-a he natna thihpui tawh mi 11 zinga 10 te chu Washington state mi an ni a, Texas leh Nebraska ah te pawh virus kai hi an awm a ni. Washington state leh Florida te chuan virus hi a darh zel lohna turin emergency hi an puang ve ve a ni.
