Chief Minister office in nimina circular a tih chhuaha tarlan danin, nimin tlai thlenga sum hman bang la awm hi cheng nuai 207 sing 1 sang 6725 a ni.
Sum hmanna langsar zual zingah Local Task Force leh Village Task Force te tanpuina leh Home leh Rehabilitation centre-a tanpui pek zat chu a thawh khatnaah cheng nuai 228 leh sing 5 a ni a. Hemi hnu hian State ramri-a Group YMA, YLA leh MTP te bakah Home leh Rehabilitation centre, tanpuina la dawng lote hnenah cheng nuai 62 chuang hret pek chhuah leh a ni bawk.
India ram hmun hrang hranga Mizo Welfare leh zirlai pawl te tanpui thawh khatnaah cheng nuai 158 sing 3 sang 6 pek chhuah a ni a, a thawh hnihnaah cheng nuai 75 sing 9 pek chhuah a ni a. Mizoram House hrang hranga tangkhangte ei man cheng nuai 7 sing 6 senga rulhsak an ni a, Chin Refugee, New Delhi tanpui nan cheng nuai 5 pek a ni a, Mumbai Mizoram House-a awm te thisen test na senso-ah cheng nuai 2 sing 5 sang 2 pek a ni.
BSUP building-a chengte tanpui nan CM Relief Fund hi cheng nuai 6 hman a ni bawk.
