Vairengte-a Joint Village Council, Village Task Force hrang hrang leh NGO te hian ramri-a sorkar hmalakna kaihhnawihah an thil phut chi 8 tarlangin nizan khan Mizoram sorkarah ultimatum an thehlut a, an thil phutte hi vawiin tlai dar 5 rik hmaa tih hlawhtlin a nih loh chuan motor kawngpui danpin an tum thu an puang a ni.
Vairengte khawtlang hruaitute hi vawiin khan Serlui bialtu MLA Pu Lalrinsanga Ralte hovin Kolasib bawrhsap, police hotute leh Health Dept lam hotuten an kawm a, an thil phutte zinga a tihhlawhtlin nghal theih chi te chu tihhlawhtlinsak nghal an ni tih Vairengte khawtlang hruaitute hian an sawi a. An thil phut piah lamah Vairengte CHC-a Covid-19 kaihhnawih bik viltu tur Doctor thar pawh pek an ni tih an sawi a, Vairengte khawchhung hmun hrang hrang panga-ah Covid-19 screening neihna hmun tur hmun siamsak an ni dawn bawk tih an sawi.
Sorkar hmalakna-ah an lungawi avangin Vairengte leh Aizawl inkar kawngpui NH-306 dan pin an tum chu an \hulh tih Vairengte khawtlang hruaitute hian an puang a ni.
