Supreme Court Senior Judge, National Legal Services Authority Executive Chairman ni bawk, Justice NV Ramana-a’n Ningani-a Legal Services kaihhawih lehkhabu a tlangzarhnaah he thu hi sawilan a ni a. “E-Handbook of Formats: Ensuring Legal Services” tih lehkhabu tlangzarhtu Justice NV Ramana chuan, Covid 19 hri leng vanga inkharkhip chhungin mi sang telin nunna an chan tawh a, mi tamtak eizawnna a khaihlak mek a. Inchhung khurah tharum thawhna leh hleilenna te, kum tling lo tih bawrhban thawmte hriat tur a tam a ni a ti a, Court rorelna pawh dan pangngaia a kal mumal theih loh avangin, Legal Services Authorities hmalakna hman tangkai a tul tih a sawi.
Inkhawm hi Online hmangin Mizoram State Legal Services Authority Executive Chairman, Justice Michael Zothankhuma; Gauhati High Court (Aizawl Bench) Legal Services Committee Chairman, Justice Nelson Sailo leh Mizoram State Legal Services Authority Member Secreatry, Gauhati High Court (Aizawl Bench) Legal Services Committee, Chairperson leh Secretary leh District Legal Services
Authority-ten an chhim a ni.
