District Bawrhsap Pu VL Hruaizela Khiangte chuan mahni nunna atan pawha hlauhawm tak dinhmuna ding ngam, a tul tul thawk tura inpe te chu mi huaisen leh chhuanawm tak an ni a ti. District Hospital MO Dr.Vanhmingliani Khiangte pawhin thalai rual, Damdawi In-a thawktute pui tura an pen chhuak chu ropui a tih thu a sawi a, an inpekna avangin damdawi In chuan nasa takin hma a sawn a ni, a ti a, Covid-19 hi a la awm reng avangin Volunteer te chu a tul hunah pun zel an tum tih a sawi.
Saitual SP Pu PC Lalduhthlanga pawhin thu a sawi a, Volunteer mi 41 te hi Chawimawina thuziak pek theuh an ni a, Saitual District chhungah hri leng chu ziaawm hrih-a a lan avangin Volunteer te hi thlah rih an ni.
Thlahna inkhawmah hian Saitual Town Joint VC leh Saitual Group YMA hruaitute pawh an tel a ni.
