Zonet palaiin Aizawl khawpui chhung hmun \henkhat a fankualnaah Gas dawr thenkhat inhawng hmuh tur a awm a, Gas Distributor-te chuan, ni danga Gas an sem pangngai angin Gas hi an la sem chhunzawm tih an mahni tlawhtu Zonet Correspondent an hrilh a. Hetihrual hian, hri leng mek vangin fimkhur taka kalpui a ni a, Gas an semna reng rengah Local Level Task Force leh YMA hriatpuia sem niin, fimkhur takin thil an kalpui tih an sawi. Hetihlai hian, Petrol Pump erawh inhawng hmuh tur an awm mumal lova, Pump hrang hrangte chu an inkhar deuh vek a ni.
Hemi chungchanga Zonet zawhna chhangin Supply Director, Dr. Lalhriatzuali Ralte chuan, Sorkar-in thupek a chhuah dan chuan Petrol Pump leh Gas dawrte chu dan pangngaia inhawng chhunzawm tura tih an ni, a ti a. Petrol Pump inhawng lo an awm a nih chuan Sorkar-in a hriatpui loh thu a sawi. Vairengte-a IOC Depot a\angin tuialhthei hi chawk luh reng a ni a, nimin khan Petrol pangngai Lawngtlai leh Urban Pvt. tan Trip 2 ve ve, Serchhip, Champhai, Seling leh Kolasib tan Trip 1 \heuh leh Serchhip tan XP Trip 1 a lo thleng a. Diesel pawh Seling leh Kolasib tan Trip 1 ve ve a lo thleng tih a sawi.
Supply Director chuan, eirawngbawlna Gas pawh a lo thleng chhunzawm zel tih sawiin, nimin zing dar 6:30 leh tukin dar 6:30 inkar chhung khan Aizawla Zothan Indane, Mizofed leh Assam Riffle bakah Sangau, Thenzawl leh Champhai tan Cylinder 306 \heuh leh Sialsuk tan Cylinder 300 a lo thleng tih a sawi.
