Khaw chhak lam, Burma ramri hnaiha ramri ven hna thawh dan en kualtu, Zonet corr. Lalnuntawma Fanai chuan nizan khan Vaphai khuain ramri an venna, Tiau ramria duty te leh Saikhumphai te a tlawh a, Vaphai Local Task Force hruaitute chuan Burma nena inkalpawhna an ngah bakah rante pawh an intlat pawlh fo tih an sawi a, Burma lamah Covid 19 vei an hmuh belh zel avang leh hri kai an hmuh tharna pawh Burma ramri hnaiha heng thinte nia sawi a awm avangin tan an la zual tih an sawi. Burma lam atanga lui kal leh ram vakte chuan Tiau lui an kan loh nan uluk zawkin an veng tih an sawi.
Burma nena inrina hnaihah Covid 19 vei an awm thar tih an hriat avangin Farkawn khawtlang hruaitute chuan nimin leh vawiin bikah khan an khaw bik tan Total Lockdown an puan phah tih an sawi a. An thalaite pawh ramri lamah tam zawk an riak lut mek tih an sawi a, an ven chin ramri chu zau hle mah se, nasa zawka an ven avangin a him hle turah an ngai tih an sawi.
