Dr. Thiamsanga hian Hnahlan, Khuangphah, Diltlang, North Diltlang, Vaikhawtlang, Selam, Tualcheng, Lungphunlian leh Pamchung VLTF Duty post te tlawhin, an harsatna leh Covid 19-in Mizoram a lo luh lohna tura hma an lak dan a sawipui a. Hri leng hian ram sum leh pai dinhmun nasa taka a nghawng avangin ei leh bar zawn kawngah nakkum thlenga harasatna an tawh lohna turin uar zawka thlawhhma lak belh a tul a ni a ti.
Dr. Thiamsanga hian khaw hrang hranga VLTF te chu Solar light, buhfai, torch light leh an mamawh dangte a pe a. Heng khaw hrang hrang a tlawhnaah hian damlo thahnem tak an hriselna a endik sak nghal a ni.
