Hemi chungchang hi vawiina Health Secretary, Pu H. Lalengmawia hova Mizoram State Blood Transfusion Council \hukhawmnaah tarlan a ni a. |hutkhawmna kaihruaitu Health Secretary chuan, inkharkhip avanga thisen peka harsatna tam tak awm thei karah theihtawp hmalatu Health Deptt., AVBD leh tlawmngaia thisen petute chungah lawmthu a sawi a ni. Inkharkhip chhungin thisen mamawh reng anih avangin Sorkar-in inkaihhruaina a siam zul zui leh social distancing kalpui chungin thisen hi pek \hin a ni.
SBTC hian Mizorama thisen mamawhna sang ta lutuk chu tih hniam a nih theih nan thisen renchem taka hmang tura tanlak ni se an ti a. Thisen pek chungchangah kalphung \ha zawk a awm theih nan Sorkar laipuiin inkaihhruaina dan a siam, ‘National Guideline to Blood Transfusion Service in Light of Covid-19 Pandemic’ tih chu mipui nawlpui tana \angkai tur chin Mizo \awnga dah chhuah ni se an ti bawk.
