Excise hotute chuan, March ni 22-a inkharkhip hman a nih atang khan zu leh ruihhlo kaihhnawih do beihpui an thlak tih an sawi a, May ni 31 thleng khan Rakzu litre 5827, Zu bilh lai tin 20,992, Zu siamna bel 447, Dawidim Kg. 23.830, sapzu um puitling 25, BEDC litre 2.8, Heroin gram 385.840, Ganja Kg. 1.987, khuh damdawi bur 19 leh Alprazolam mum 236 an man tawh a, Zu siamna hmun 100 chuang an tichhe tawh bawk. Hemi kaihhnawihah hian dan bawhchhia mi 336 an man a, dan bawhchhia an man zinga a tam zawk chu COVID-19 inkaihhruaina angin Jail-a dah lovin PR Bond hmanga chhuahtir an ni.
Inkharkhip chhung hian ruih hlo vangin mi 28 an thi a, an zinga 25 chu Mipa an ni a, Hmeichhia 3 an awm bawk. Excise hotute chuan, Inkharkhip chhungin Vairengte-a Excise Check Gate-ah ni tin darkar 24 chhung duty thin a ni tih an sawi a, Mizoram hmun hrang hranga LLTF leh VLTF nen thawh hona tha tak an nei chu an lawm hle tih an sawi.
