He live blog hi tihtâwp a ni tawh a, April ni 11 live blog en duh tan;
https://www.zonet.in/april11-covid-19-blog/
April ni 11, 2020 tlai dar 5:00 thlenga Ministry of Health & Family Welfare chhinchhiah dan chu hetiang hi a ni;
Enkawl lâi – 6039
Enkawl dam tawh – 515
Thi zât – 206
Hmun danga pêm/insawn – 1
11:52 PM
Odisha-ah Covid-19 kai mi 10 enkawl dam an ni a, enkawl lai 35 an la awm
11:30 PM
Mumbai khawpuiah Covid-19 case 1008 a awm tawh a, ram puma Covid-19 hri darh tamna ber khawpui a ni chho mek a, he khawpuiah hian Covid-19 vanga thi mi 64 an awm tawh a ni
11:28 PM
Myanmar: Covid-19 case 28 a awm tawh a, heng zinga 3 chu an thi tawh a, 2 enkawl dam an ni tawh a ni, Myamnar sipai sorkar chuan Rakhine leh Chin ram bungah te internet hman theih lohin a siam a, hei hian hrilêng beihlet kawngah harsatna a siam loh thu leh henglaia cheng hel ṭhenkhatin sipai te an tihbuai lohna atana tih a nih thu nimin lam khan an lo sawi tawh a ni
11:17 PM
Mizoram: Doordarshan Kendra Aizawl aṭangin ni 13 tlai dar 3:05-ah darkar chanve chhung zirlai naupangte zirtirna tur programme hman ṭhin a ni dawn a, thawhṭanni (13 April) aṭangin ṭan a ni ang. A bul ṭanna atan Pawl 10 zirlai Science leh Mathematics zirtirna tih chhuah a ni ang
11:14 PM
Khawvel puma Coronavirus vanga thi zatin nuai khat a pel
11:00 PM
Indian Air Force thlawhnain nitin mamawh Mumbai, Bengaluru, Guwahati leh Leh-ah a phur
10:54 PM
Kerala-ah case thar 7 a awm a, state pumah 364 a awm tawh
10:52 PM
Maharashtra: Thane-a Jamaat mi leh sa mantu police zinga mi pakhat test-ah a positive
10:44 PM
Turkey-ah Coronavirus vanga thi zatin 1000 a pel
10:37 PM
Sangha khawi (Aquaculture) hnuaia sangha dil nei/enkawltute leh sangha hralh lockdown khuahkhirhna hnuaiah telh a ni tawh lo tiin Ministry of Home Affairs-in thu a chhuah
10:33 PM
HCQ mum nuai 48 chawk luh tum US hnenah nuai 35.82 thawn a ni ang, Brazil, Canada leh Germany-ah HCQ mum nuai 50 thawn leh a ni bawk ang a, Bangladesh-ah mum nuai 20 thawn a ni ang a, Sri lanka leh Nepal-ah mum nuai 10 ve ve, Bhutan-ah nuai 2, Afghanistan-ah nuai 5, Maldives-ah nua 2 thawn a ni ang
10:27 PM
HCQ damdawi (Hydroxychloroquine) thawnna hmasakna tura ruahman ram 13-ah damdawi hi thawn a ni – USA, Spain, Germany, Bahrain, Brazil, Nepal, Bhutan, Afghanistan, Maldives, Bangladesh, Seychelles, Mauritius leh Dominican Republic te hnenah damdawi mum mtd 14 thawn a ni
10:22 PM
Guwahati: Lirthei number inkawp kim le kawp kim lo intlanchhawk ṭan a ni ang: DGP
10:19 PM
Sorkar laipui leh state sorkar-te’n loneitute an ngai pawimawh tur a ni: Sonia Gandhi
10:16 PM
Pakistan-ah case 4695 a awm tawh
10:15 PM
UK: Ni khata thi zat tam ber ṭum a ni a, mi 980 an thi a, thi tawh zawng zawng zat chu 8958 a ni am Wales bikah mi 315 an thi tawh
10:13 PM
Delhi-ah luh leh chhuah khuahkhirna hmun 30 a awm tawh
10:09 PM
Rajasthan-ah case thar 98 chhinchhiah belh a ni a, state pumah case 561 a awm tawh
9:46 PM
Delhi Nizamuddin venga kutdawh pakhat test-ah a positive
9:34 PM
New York-ah ni khata ICU-a dah luh ngai zat tlemin a tla hniam a, hei hi hri a lên ṭan aṭanga a tlakhniam vawi khatna a ni: NY Governor Cuomo
9:31 PM
Inkhuahkhirhna thlah zalen hma lutuk a hlauhawm, hri a lêng nawn palh thei: WHO
9:29 PM
Arunachal Pradesh: CM, Minister leh MLA zawng zawngin an hlawh za zelah 30-in an ti hniam
9:16 PM
Punjab-in lockdown a pawh sei hnuah, hmaituamna telloa chhuah a khap
9:14 PM
Delhi hmun ṭhenkhatah râl aṭanga thunun theih khawl hmangin hrik thahna hlo phuh a ni
8:57 PM
Delhi-ah mi 14 an thi tawh a, case 903 a awm tawh
8:52 PM
Delhi: Zakir Nagar chhunga veng pahnih leh mosolman biakin pakhat chu luh leh chhuah khuahkhirh a ni a, henglai hmun lut leh chhuak reng reng tan, Zakir Nagar hmun dang zawng hi in nghahna hmun atan hman a ni ang
8:49 PM
Andhra Pradesh-ah case thar 16 a awm a, state pumah 381 a awm tawh
8:47 PM
Rampumah ni 30 chhungin mi 205 an thi a, hei hi ram changkang zawk, US leh UK leh Europe ram dangte aiin, za zela chhutin a hniam hle tih zirmite’n an sawi
8:46 PM
Online-a zirlaiten an zirlai an chhunzawm theih dan tur kawng hrang hrang ngaihdân thawh khawm turin Human Resource Development Ministry-in sawmna a siam
8:44 PM
Delhi-ah case thar 183 chhinchhiah belh a ni
8:37 PM
Petroleum Minister, Dharmendra Pradhan chuan vawiin khan G20 ram dangte nen an inkawm thu leh, lockdown awm mahse, tuialhthei lei chhunzawm zel a nih tur thu a sawi
8:32 PM
Gujarat-ah coronavirus case 70 hmuh belh a ni a, case awm tawh zawng zawng chu 378 a ni
8:29 PM
Tripura-ah Covid-19 positive pakhat hmuh belh a ni a, hei hi state puma a pahnihna a ni. Positive hi kum 32-a upa, Madhya Pradesh lam mi a ni a, Damcherra-ah a awm mek a, Covid-19 lo positive tawh nen khan relah an chuang dun a ni: Tripura CM Biplab Kumar Deb
8:26 PM
Rajasthan: State sorkarin khawlaia chhil chhah a khap
8:23 PM
Tamil Nadu: Vawiinah case 77 chhinchhiah belh a ni a, 70 chu Delhi punkhawmna nena inzawmna nei a ni
8:21 PM
Tamil Nadu: Thoothukudi-ah Covid-19 kai mi pakhat a thi
8:19 PM
Maharashtra-ah case thar 210 a awm belh a, a vaiin case 1574 a awm tawh
8:13 PM
Tamil Nadu-a case 911 awm tawh zinga 833 chu Delhi punkhawmna nen inkaihhnawihna nei an ni
8:07 PM
Ram pumah case 6761 a awm tawh a, thi 206 an awm tawh: Health Ministry
8:03 PM
Mumbai khawpuiah vawiin khan case 218 a awm belh a, mi 10 an thih belh bawk
6:48 PM
Tamil Nadu-ah case thar 77 hmuh belh a ni
6:45 PM
Karnataka-ah case thar 10 a awm a, state pumah 207 a awm tawh07
6:36 PM
Punjab CM-in virus chungchang zir bingna din sorkar laipui hnenah a rawt
6:00 PM
Himachal Pradesh CM-in Rapid Test Kit leh PPE a rang lama pe turin Sorkar laipui a ngen
5:57 PM
Uttarakhand-ah ni hnih chhung positive case hmuh belh an ni tawh lo, case awm zawng zawng zat chu 35 a ni
5:53 PM
Darkar 24 chhungin case thar 896 a awm a, thi 37 an awm bawk. Hei hi ni khata a la sân ber ṭum a ni
5:33 PM
Khawzawlah chawhmeh dah vâwha rei zawk vawn ṭhat theihna Cold Storage hman ṭan a ni (DIPR)
5:30 PM
H&FW Department-in mimal leh pâwlin an siam hand sanitizer a ṭhat tawk leh tawk loh, Food and Drug Testing Laboratory emaw, RIPANS Zembawk emaw, ah enchhin tir ṭhin tur a ni a ti
5:29 PM
Assam: Guwahati-a Kabristhan Masjid (mosolman biakin) chu ni 14 chhung luh leh chhuah theih loha khar a ni a, he biakinah hian Nizamuddin punkhawma kal ve mi 8 an awm a, March ni 12 khan mi 100 vel nen an inkhawm bawk a, an zinga pathum chu Covid-19 an positive tawh a ni: Assam Health Minister Himanta Biswa Sarma
5:25 PM
Sonia Gandhi-in lockdown ṭha taka zawm turin party mi zawng zawng a ngen
5:14 PM
ZMC-a enkawl lai Covid-19 kai dinhmun a ṭha a, ziaawm lam a pan hret hret a, a ni bak hi ZMC-ah enkawl lai an awm lo a ni (ZMC Bulletin)
5:14 PM
Nimin leh vawiinah ZMC Covid-19 Testing Laboratory-ah Lunglei aṭanga dawn nen, a vaiin sample 13 test a ni a, a negative vek a ni (ZMC Bulletin)
5:14 PM
Falkawn Hospital-a Covid-19 kai rinhlelh enkawl chu a result a negative avangin Ebenezer-ah sawn a ni (ZMC Bulletin)
5:09 PM
Punjab: April ni 30 thleng lockdown pawh sei a ni
4:58 PM
Indore: Covid-19 vangin kum 65-a upa doctor pakhat a thi, midang 3 pawh an thih hnuah Covid-19 an kai tih finfiah a ni
4:46 PM
Ram pumah HCQ (Hydroxychloroquine) damdawi mum vbc 1 mamawh turah kan inngai a, tunah hian mum vbc 3.28 vel a awm angin chhut a ni: Health Ministry
4:35 PM
Social Media-a thu dik lo leh mi ti chiai thei thil thehdarh reng reng chhui tur a ni tih Home Ministry-in state sorkar-te a hrilh
4:34 PM
Ram pawna khua leh tui tangkhangte dinhmun thli thlai mek a ni a, thutlukna siam thuai beisei a ni: External Affairs Ministry
4:31 PM
Pune: Covid-19 kai kum 27 mi a boral, a taksa peng hrangten hna an thawk lo niin a enkawltute chuan an sawi
4:30 PM
Vawiin khan Union Health Minister Harsh Vardhan chuan state hrang hrang Health Minister-te video conferencing hmangin a kawm a, Mizoram Health & Family Welfare Department changtu Minister, Dr. R.Lalthangliana pawh inkawmnaah hian a tel ve a ni
4:27 PM
Nimin khan ram pumah test 16002 neih a ni a, heng zinga za zela 0.2 a positive a, tun dinhmunah chuan hri hi a la darh chak loah a ngaih theih: Lav Agarwal (Health Ministry Joint Secretary)
4:25 PM
Ram hrang hrangin HCQ (Hydroxychloroquine) lei an duh avangin ramchhungah a siam lama ṭang lehzual turin thutlukna siam a ni a, a mamawh zual ram hnenah eng emaw zat, tun dinhmuna a chuangliama ngaih chu thawn chhuah a ni: External Affairs Ministry
4:21 PM
Darkar 24 chhungin case thar 678 chhinchhiah a ni a, mi 33 an thi a, case awm tawh zawng zawng chu 6412 a ni
4:16 PM
April thla chhungin sakhaw hrang hrang hun pui lo thleng tur a awm avangin lockdown thlah dul tur a ni lo a, khauh taka kalpui reng tur a ni: Home Affairs
4:12 PM
Uttar Pradesh: Vawiinah case thar 21 a awm belh tawh a, a vaiin 431 a awm tawh, heng zinga mi 32 chu enkawl dam an ni tawh a, mi 4 an thi tawh a, mi 8671 kharkhip (quarantine) mek an ni a, mi 459 chu khunghran (isolate) mek an ni
4:09 PM
Ram pawn lam mi 20,473 thawn haw an ni tawh: External Affairs Ministry
3:56 PM
Covid-19 chungchangah PM Modi leh Nepal PM an inkawm
3:50 PM
Sorkar laipuiin Rapid Anti-Body Test Kit a la dawng lo a, ṭhahnem tak chu a lo thlen mai beisei a ni a, tuna test kan hman lai thlakna tur a ni lo tih erawh hriat a ṭha: Health Minister
3:31 PM
Covid-19 case sang chho zel ti ziaawm tur chuan chawlhkar 5 aṭanga chawlhkar 6 vel tal a ngai a, ram dangte aiin India dinhmun la ziaawm rih mahse, a chhe ber la thleng thei a ni a, Quarantine Centre, Isolation Centre, bungrua, damdawi leh laboratory siam belh zel a ni ang: Union Health Minister Harsh Vardhan
3:30 PM
Home Ministry chuan vawiin khan lockdown khauh taka kalpui reng turin State leh UT sorkar-te a hriattir leh a, hnam thil emaw, sakhaw thil emaw, chhuanlama punkhawma reng reng khap tlat tur a ni tih a hriat nawn tir. Puan tawh angin Covid-19 hrilêng vanga inkharkhip (lockdown) hi bawhchhia an awm a nih chuan Disaster Mangement Act 2005 leh IPC tlawhchhanin dan kengkawhtuten thubuai an siam sak tur a ni.
2:47 PM
Italy: May ni 3 thleng lockdown pawhsei tum a ni a, thutlukna hriat thuai theih beisei a ni
2:45 PM
Tamil Nadu: Zir chik mi leh mithiamte’n lockdown zawh hnuah ni 15 dang lockdown pawhsei an rawt a, State Cabinet naktuk tlai dar 5-ah an ṭhukhawm ang
2:12 PM
Punjab CM Amarinder Singh-an lockdown pawhsei a duh tih a sawi a, Covid-19 vanga ruih theih thil a tlem ta chu lawmawm lama a thlir dân tih a sawi bawk
1:09 PM
Covid-19 chungchanga SAARC ram ṭhutkhawm Pakistan-in a boycott avangin Covid-19 an lak thutak dan a lang chiang hle niin External Affairs thupuangtu, Anurag Srivasta-a’n a sawi
1:06 PM
Priyanka Gandhi-in Uttar Pradesh CM lehkha a thawn – Politics thila an ngaihdan inang lo te dah ṭhaa thawh dun zel a duh thu leh Covid-19 do kawngah an thlawp tlat thu a hrilh a, uar leh zuala test lam kalpui turin a ngen
12:59 PM
Bhopal: Coronavirus case thar 14 a awm a, an zinga 2 chu doctor an ni. Madhya Pradesh-ah hian case 440 a awm tawh a, Bhopal bikah hian 112 a awm tawh
12:36 PM
In tina screening ti tura sorkar laipui nawr turin Supreme Court-ah ngenna thehluh a ni
12:24 PM
Delhi: Hmaituamna hmang loa pâwn chhuak mi 32 man an ni
12:15 PM
Naktuk hian PM Modi-a’n state hrang hrang CM-te video conference-in a kawm dawn
11:23 AM
Punjab: Hmeichhe kum 78 mi a positive
11:17 AM
Haryana: Gurugram-ah Sector 9 luh chhuah theih loha khar a ni
11:06 AM
Delhi-ah positive case 720 an awm tawh a, heng zinga 22 chu ICU-ah enkawl mek an ni a, 7 chu ventilator nen enkawl mek an ni. Hri darh tamna, hotspot hrang hrangah in tinah screening neih a ni tawh: Delhi Health Minister, Satyendar Jain
10:37 AM
Hun dang zawng aiin Brazil leh India inkar a ṭha: PM Modir
10:33 AM
Israel pui turin India a inpeih reng: PM Modi
10:21 AM
Yemen-ah Coronavirus case hmasa ber chhinchhiah a ni
10:02 AM
Union Health Minister, Harsh Vardhan-a’n State Health Minister-te vawiin chhun dar 12 hian a kawm dawn
09:47 AM
Bhopal: Coronavirus case thar 14 a awm belh
09:38 AM
US: Chicago khawpuia tânin lian ber, Cook County Jail-ah positive case 450 hmuh a ni tawh, positive-te hi tâng leh jail-a hnathawkte an ni.
09:05 AM
Kerala: Vawiin hi Coronavirus case hmasa ber a awm aṭanga a ni 100-na a ni a, case 357 a awm tawh a, thi 2 an awm tawh: State CM Pinarayi Vijayan
08:58 AM
China: Confirmed Case thar 42 chhinchhiah a ni
08:53 AM
US-ah darkar 24 chhungin mi 1700 chuang an thih belh
08:50 AM
Darkar 24 chhungin mi 30 an thi a, case thar 547 a awm: Health Ministry
08:45 AM
Gujarat: Vadodara-ah mi 21 an positive belh, he khawpuia positive awm tawh zat chu 39 a ni
08:43 AM
Assam: Covid-19 vanga thi hmasa ber chhinchhiah a ni. Thi hi Hailakandi District-a positive kha a ni a, Silchar Medical College & Hospital-ah nizan dar 2:16 khan a thi a ni: State Health Minister
08:32 AM
Ram pumah case 6400 a awm tawh a, thi 199 an awm tawh
08:32 AM
UK Prime Minister, Boris Johnson dinhmun a ṭha chho zel a, puan tawh angin nizan lam khan ICU a chhuahsan tawh a, damdawiin erawh a la chhuahsan lo a, a la inkhunghrang chhunzawm rih dawn a ni
08:29 AM
Uruguay khawpui, Montevideo vaukama chawlhkar hnih dâwn tang tawh lawnga chuang, Australia leh New Zeland khua leh tui mi 112-te chu invenna leh khuahkhirhna nasa tak karah bus-a phurh chhuah an ni ta a, Montevideo ṭumhmum aṭangin Covid-19 kai phur thei tura siam danglam thlawhnain an ram lam pan pui an ni ang
08:23 AM
US-in hriselna leh nunna aia politics ngai pawimawhah WHO a puh a, Taiwan-in hri lêng nia an hriat an sawi chhuah an ngai pawimawh duh lo chu na takin a dem a, US State Department thupuangtu chuan WHO chhinchhiah dan chuan January ni 13, 2020 thleng khan Covid-19 hi mihring leh mihringah a darh âwm chhinchhiah a ni lo hrim hrim tih a tarlang bawk a ni
08:20 AM
Taiwan-ah Covid-19 vanga thi 5 chauh an la awm a, an Vice-President Chen Chien-Jen chuan December thla khan Wuhan-ah hri a lêng nia an lo hriat tawh thu leh WHO lamin an chhui zui lem loh thu a sawi bawk a, Chen hi hrilêng lam zir chik mi, Epidemiologist a ni. Taiwan hi ro in rel hrang mahse, China chuan a ram bung pakhatah a ngaih avangin, ram dangte pawhin Taiwan hi ram anga an dawr a remti lo bur a ni
08:17 AM
Israel PM Benjammin Netanyahu-a’n Israel ṭanpuina tur damdawi chi hrang hrang ton 5 India aṭangin an dawng tih a sawi a, PM Modi-a lawmthu a hrilh
07:57 AM
Ram hrang hrang sorkarin Covid-19 vanga buaina an tawh mek laiin, mi firfiakte’n hun remchangah an la thei: Antonio Guterres
07:40 AM
Coronavirus hrilêng chu United Nations din a nih hnua khawvelin hun a la tawn khirh ber a ni: Antonio Guterres
