Cyclone na chi, Typhoon Yutu-in a nuai mek, Philippines hmar lama Isabela bialah leiminin mi 23 vawiin khan a chhilh a, chhanchhuah tuma beih mek a ni.

Thuneitute chuan leiminna hmunah hian mi 6 an chhanchhuah tawh thu leh ruang 2 an chhar tawh thu an sawi a, Isabela bial bul, Cordillera-ah pawh nimin lamah khan leimin vangin mi 11 an lo thi tawh tih an sawi bawk a ni. Typhoon Yutu hi a na hle a, thli pawh darkar khata mel 87 vela chakin a tleh bakah ruah a pai hnem hle a ni.