Thuneitute sawi danin, cyclone vang hian Bangladesh ah hian mi 8 an thi tawh a, heng zingah hian mipa naupang kum 5 mi leh putar kum 75 mi an tel a ni.
Thuneitute chuan, cyclone-in a nuai nasat lai Bengal tiger tam tak chenna Sundarbans, UNESCo World Heritage Site dinhmun dik tak an ngaichang mek tih an sawi.
Forest hotu Moyeen Uddin Khan chuan ramngaw chhiat dan thlalak an la dawn loh thu a sawi a, ramsate chu an ngaihtuah hle tih a sawi.
Sundarbans thingtlang a cheng Babul Mondal chuan an khua mi maktaduai 4 vel chenna chu bulldozer a chil chhiat ang maiin a chhe hneh hle a, engkim a chhe vek a ni a ti.
Tuipui kam thingtlang a cheng mi maktaduai 3 hmun him lama sawn chhuah te zingah coronavirus hri darh a hlauhawm hle a, thuneituten hmaituamna leh kut tihfaina sanitiser sem mahse social distancing chu kalpui theih a ni lo a ni.
