He inkhawmah hian FHi360 State Coordinator, Pu Robert Lalrempuia Khiangte chuan training buatsaih chhan sawifiahin, hei hi ruihhlo ti \hin zingah natna \ha lo zawk a darh zel loh nan a ni tih a sawi a. MSACS Joint Director, Pi Betty Lalthantluangi’n Oral Substitution Therapy chu HIV darh zel tur venna atana hmalakna lian tham tak, Harm Reduction Strategy a ni tih a sawi bawk a ni. He inkhawmah hian SHALOM Director, Dr. Chawnglungmuana chuan ngawlvei te awmdan leh nihphung a sawifiah bawk a ni.
Heng OST damdawi hi District khawpui hrang hrang bakah Thenzawl, Khawzawl, Vairengte, Lengpui leh Darlawn-ahte pek chhuah a ni a. Tunah hian Mizoram pumah OST-a inziaklut mi 20,309 an awm a, Treatment la zo tawh mi 2,592 leh OST la mek 1,945 an awm a, OST la mek zingah HIV positive 371 an awm bawk a ni.
