State thar, Gorkhaland siam ngiata Darjeeling-a tiam chin awm loa nawrh huaihawt a nih avanga buaina kal zelah, nizan zanlai pelh hnu khan bomb tihpuah a ni a, dawr 12 vel a tichhia a, thi leh hliam erawh chu an awm lo. Bomb hi Darjeeling khawpui laili-ah tihpuah a ni a, One India chanchinbu sawi danin, motor dinna hmun, Singamari Motor Syndicate bula thil zawrhna hmunpui, Old Super Market kawtah a puak a, helai hmun hi Gorkha Janmukti Morcha pisa nen pawh a inhnaih hle nia hriat a ni. Bomb hi a puak ring hle a, tualchhung mite chuan ral khat atang pawhin a hriat phak niin an sawi a, zanlai pelh, mi tlem hnua puak a nih avang chauhin thi leh hliam an awm lo niin an sawi. Pawi khawihtute hi hriat an la ni lo a, police-ten an chhui nghal a ni.
Chanchin Thar Darjeeling-ah bomb puak leh
