Assam-ah chuan hri kai thar mi 14 hmuh belh an ni tih Assam Health Minister, Himanta Biswa Samra chuan a puang a, an zinga mi 7 te chu Kamrup-a cheng an ni a, pakhat 2 te chu Hojai-a cheng an ni a, Biswanath leh Nalbari-a cheng mi 2 leh Nagaon-a cheng mi 1 te an ni. Assam-a Coronavirus kai awm tawh zat chu mi 135 an tling tawh a. Manipur-ah chuan hri kai mi 7 zingah mi 5 an dam tawh a, mi 2 enkawl lai an awm mek a ni. Tripura ah chuan BSF-a sipai pahnihin coronavirus an kai tih hmuhchhuah belh a ni a, heti hian hri kai hmuh chhuah 167 an tling tawh a ni.
Hmuh chhuah thar te hi Dhalai District Ambassa-a awm 86th Batallion BSF sipai pahnih an ni. Hrileng an kai tih hi nimin khan finfiah a ni. Tripura-a Coronavirus kai 167 zing 67 te chu an dam tawh a, Damdawi in atanga chhuahtir an lo ni tawh a ni.
Union Health Ministry chuan damlo mi sing 3, sang 9 chuang an dam tawh tih a sawi a, darkar 24 chhungin mi nuai 1 vel sample test a ni a, a vaia sample test tawh zawng zawng chu nuai 24 a tling tawh tih a sawi bawk.
