US-ah hian Covid-19 thihpui zat chu thla khat chhungin mi sing 1 sang 8,777 an tling tih World Health Organization-in a tarlang a, US-a Covid-19 kai zawng zawng chu mi nuai 5 leh sang 1,301 an tling a ni.
Khawvel pumah mi nuai 1 leh sang 2,763 Covid-19 vanga thi an awm tawh a, Italy chu hri kai vanga mitthi nei tam ber a la ni reng a, mi sing 1 sang 8,800 an thi tawh a ni. Hetihlai hian thihpui aiin enkawl dam an tam zawk a, kai zawng zawng mi nuai 16 sing 9 sang 8,424 zingah mi nuai 3 sing 7 sang 6,800 an dam tawh a ni.
World Health Organization chuan ram \henkhat inkhuahkhirhna hlih tumte chu fimkhur turin a ngen a, invenna lam an thunun \hat loh chuan hri leng chu ziaawm anga a lan laiin a pung hluai thei tih a ni a ti.
Geneva-a news conference-ah WHO Director General Dr. Tedros Adhanom Ghebreyesus chuan Europe ram \henkhatah hri leng chu a tlahniam \an tih sawiin, WHO chu sorkar te nen thawk hovin inkhuahkhirhna tihnep dan tur pawh ruahman a ni a, amaherawhchu, tun dinhmunah inkhuahkhirhna tihnep chu \ha an ti rih lo tih a sawi a, inkhuahkhirhna hlih chu hri leng \aidarh zualna hmanraw \ha tak a ni thei a ni a ti.
