Mamit District-a Darlak khaw mi, tun thla ni 19, Thawhlehnia rulngan nia hriatin a chuk avanga thi, Lalramdinliana, kum 27 mi chu vawiin thleng khan vui a la ni lova, rul chuk avanga thi tawh nia hriat enkawla tidam leh thei nia sawi, Tanhril khaw mi, Pu Ramthata’n a la enkawl zui zel a ni. Lalramdinliana ruang hi vawiin, a ni li ni thleng khan a la rimchhe lova, a ban te leh a ke te pawh a la khawng lova, mi \henkhat, a mar dektute chuan a marphu a la awm niin an sawi a, mi \henkhat erawh chuan a marphu a awm lo niin an sawi thung a ni. Darlak khaw mi Pu Vanlalmaka hnen a\anga vawiin chawhnua thu dawn danin, Lalramdinliana ruang hi a mut dan ngaiin dah zui zel a ni a, a rim a la chhe lova, a hmui pawh a sen ngaiin a la sen a, amaherawhchu, a taksa hmun danga a vun rawng erawh chu a duk a, hei hi amah enkawltu, Pu Ramthata chuan a damdawi pek hnathawh niin a sawi a, a dam leh theihna atana a beihna chu la chhunzawm zelin a la beidawng lo niin a sawi a ni. Puan tawh angin Lalramdinliana hi Darlak khaw mi, Dontorai-a fapa a ni a, a nupui nen fa pali an nei a, Thawhlehnia a ram kal haw lamin rul lian vak lo a hmuh chu a slipper-a nawr betin a man a, he rul hian a chu ta nia sawi a ni.
