Vawiin khan Aizawl Press Club-ah thuthar lakhawmtute kawmin DDDC Chairman Pu PC Chhunga chuan hmar tlangdung chu hmasawnna thlen lohna leh bial hnu fum tak nia sawiin, hmasawnna a thlen loh avangin Hmar hnam te an rammu hial niin a sawi a, hmar bial mipuiten hmasawn an duh ve tawh tih sawiin Administrative District chu an mamawh niin a sawi.
DDDC Chairman hian kum 1988 atang tawhin Administrative District thar an dilna hi vawi tam tak sorkarah an thlen tawh niin a sawi a, District dangah te chuan District Headquarters a\anga khaw hla ber pawh km 100 bawr anih hlawm laiin, an biala khaw hla ber Zokhawthiang chu District Headquarters Aizawl a\angin km 200 aia hla a ni a ti a, Hmartlangdunga awm khua te zingah hmun sawm a \hena hmun kua chu Aizawl atanga km 100 aia hlaa awm vek a ni a ti a, Aizawl District chu a len avang leh bial mipuite tan District Headquarters dawr kawngah harsatna an tawk nasa niin a sawi.
Zawhna chhangin DDDC Chairman PC Chhunga chuan district an ngiat chungchangah hian Chief Minister Pu Zoramthanga chu vawi 2 hmuh an tum thu leh an hmuh theih loh thu a sawi a, an dilna hi kumin February ni 26, khan Council of Ministers-ah an thehluh thu leh Chief Secretary hnenah pawh an thehluh thu a sawi.
