Delhi MLA 20 te’n an chungchang EC ngaihtuah tum khin let tumna hnukkir

Delhi MLA 20, MLA ni chunga dan phal loha hlawkna an tel vanga ban takte chuan an chungchang Election Commission-in ngaihtuah a tumna khin let an tum chu an thulh leh. AAP MLA-te hian an chungchang thu Court-in a ngaihtuah hnua, EC-in ngaihtuah ve leh a tum chu tul an tih loh thu nikum August thla khan Court-ah an lo hriattir tawh a ni. Puan tawh angin, Delhi MLA 21-te chu Parliamentary Secretary hna pek an nih vangin dan lova hlawkna telah puh an ni a, an chungchang thu ngaihtuah turin Election Commission-a ngen a nih hnuah EC hian ban turin a rawt ve leh a, an zing ami, Rajouri Garden MLA, Jarnail Singh chu MLA a nihna atanga a ban avangin a laka thubuai bik hi hnuhkir leh a ni a, MLA dang 20-te hi kum 2016 September ni 8 khan High Court chuan Parliamentary Secretary an nihna a hlihsak a, kumin January ni 19 khan EC chuan heng MLA 20-te hi ban turin President hnenah rawtna a thlen ve leh a, a tukah pawm nghal a ni.